Blaðrað útí eitt

Sól og sumar

Eftir rigningu og rok það sem af er sumrinu er loksins komin bongóblíða á Skeiðarársandinn (er búin að þurfa að maka á mig sólarvörn í feltinu). Vá hvað er miklu auðveldara og fljótlegra að vinna þegar maður þarf ekki að hafa áhyggjur af því að blöðin sem maður er að skrá mælingar á fjúki úti sjó eða þá að reyna með blautar fingur að skrifa á hundvott blað inní poka..

Reykjavíkurmaraþonið er á laugardaginn er búin að skrá mig. Næ samt ekki markmiði mínu að hlaupa hálfmaraþon..skráði mig "bara" í 10 km. Hlaupaæfingarnar urðu ekki eins miklar í sumar og ég var búin að plana...gleymdi víst að taka með í reikninginn að helminginn af sumrinu væri ég á Skeiðarársandi...og einhvernvegin er maður ekki alveg í skapi til að skokka eftir að vera búin að vinna úti í 12 tíma...

Er samt búin að vera pínu dugleg að labba (a.m.k. ef miðað er við seinustu sumur), fór á Hengil, tvisvar á Esjuna og svo í Klambragil í Reykjadalnum.

Skil samt eiginlega ekki alveg hvernig einhverjum tókst að týnast á Skeiðarársandinum , mundi kannski skilja það í blinda þoku en ekki í bjartviðri. Maður sér vel í allar áttir og ef að maður hefur einhverja smá vitneskju um staðhætti (t.d. að skaftafell sé alveg við jökulinn) þá veit maður í hvaða átt maður á að labba, auk þess sem að þjóðvegurinn sést vel í yfir 5 km fjarlægð frá honum á sandinum.. sandurinn er renni sléttur og gott útsýni í allar áttir.. Þetta er bara ofan mínum skilningi hvernig einhverjum tókst að "villast" þarna, þú þyrftir a.m.k. að vera ansi sótaður (og það í marga klst) til að týnast þarna ... Ef einhverjir hafa meiri vitneskju um málið myndi ég endinlega fá að vita það, því að ekki fatta ég þennan gaur.

posted by Bryndís @ 08:17